ابواب الجهنم
Monday, May 21, 2007
عمبيرتكب مجازر بحق اللاجئين الفلسطينيين
كلو تحت غطاء محاربة فتح الإسلام
فمين اللي عمبيفتح ابواب الجهنم ع مين؟
ومين اللي وصّل الأمور لهالحالة هاي؟
سوريا سوريا سوريا سوريا
سوريا الجبارة
الها ايد بكل صغيرة وكبيرة بتصير بلبنان
والنداءات من داخل المخيم
ما حدا سامعها الهيئة
ولا حدا شايف القتلى المدنيين
ما اصلاً هني لاجئين
ودمن مش غالي
وأكيد
بدنا الحقيقة
بس مش لنهر البارد
ولا لعيون نهر البارد
ولَو نسيتوا؟ عيب عليكن
بدنا الحقيقة
من اجل لبنان
لعيون الحريري
آخ لو كان الحريري معنا
كان انقذ لبنان
من القوى اللي بدّا تدمر لبنان
بس عالقليلة ابنو سعد الدين
الله يحفظو
عارف مين هي هيدي القوى
"كلنا منعرف"
واذا في ناس ما عارفين
معناتا اوهام
ونحنا معركتنا ضد الأوهام
والأوهام القاعدين بالـ"داونتاون"
او بالأحرى قوات الإحتلال الوهمية
الذين هني أضرب من قوات الإحتلال الصهيونية
لازم يضبوا غراضن ويفلّوا
موسم سياحي
وأهل الخليج ناطرين
بدن يعملوا "شوبينغ"
ويعملوا الإشياء اللي ما فيون يعملوها بالسعودية
وما تنسوا التبضع
تبضع بالنساء
بس لليلة وحدة مش اكثر
يعني معليش نحنا منعرف انو الشعب اللبناني معروف بصموده
فضلكن صامدين
والناس المعترين
يا حرام
بس شوفوا هآ نحنا كمان عنا ناس معترين بالسعودية
يعني منكن لوحدكن
فما تزعلوا
تعميد بالنار
وها قد دخل لبنان الفلك الأميركي
حرب على الإرهاب
ونشر الحرية
وثقافة الحياة
دفاعاً عن النفس
وأكيد لعيون رفيق الحريري
فلم اميركي طويل
مثل
"بولد آند بيوتيفول"
واحد بيقتل الثاني
واحد بيفقد ذاكرتو
وحدة بتقتل وحدة ثانية
اغتيالات ، مثل ما بسمّيها مدير مركز الشاي احمد فتفت
اغتيالات بالجملة والمفرق
وإذا بدكن
في "ديليفري" كمان
مجاناً
اذا اشتريتوا البضاعة من اميركا
بيجي عليها "ديسكاونت"
بالإضافة لـ"ديليفري" بظرف ثلاثة ايام
بس اهم شي
برأي واحد شيوعي
(وشو شيوعي يا عيني)
انو الجيش يقضي ع فتح الإسلام
بأية وسيلة كانت
يعني حتى
فتح ابواب الجهنم اذا لزم الأمر
شرط انو باب الجهنم ما ينفتح بالجميزة
او مونو
مخيمات؟ لاجئين؟
يدبروا راسن
تخّنوها هالمرة
يا عهد الأممية
تحية
وتحية للجيش اللبناني
لهالشجاعة
ضد الإرهاب
ارهاب فتح الإسلام واللاجئين الفلسطينيين
مش ارهاب الصهاينة
تحية تحية لجيشنا
وما تنسوا قوى الأمن
والميليشيات التي قدمت خدماتها ضد الإرهاب مبارح
وتحية لمدفعيات الجيش
والله يفتح ابواب الجهنم على اعداء لبنان
وما تنسوا شيخ سعد بيعرف مين هني
ووليد عيدو بعدو ما باع دمو ليجيب سلاح؟
يمكن حان الوقت
نهر البارد
وعين الحلوة من قبل شوي
سوريا سوريا سوريا
من الشمال للجنوب
من الشرق للغرب
بعد شوي رح يطلع سعد الحريري
ويعلن انو نظام البعث هو في الحقيقة الله عز وجل
بس اهم شي
انو واحد شيوعي
بيسهر بالجميزة
طالب بتطهير المخيمات من فتح الإسلام
بس بعدو مهووس بدور الجيش بتل الزعتر
ليش؟
آه العماد عون
وصلت الفكرة
يا عهد الأممية
تحية تحية
Labels: i love life, in arabic, lebanon, syria
posted by Angry Anarchist @ 5/21/2007 09:15:00 AM,
,
لك يا خيّي\أختي أنا ما بدّي الحقيقة
Thursday, February 15, 2007
كنت عمبقرأ من قبل شوي رسالة السيد حسن نصر الله بمناسبة ذكرى اغتيال الحريري...
ولك شو هالرسالة والله كتير حبّيتها... يعني شو بدّي قول غير هيك... إذا الكل بدّن الحقيقة (ولك هلكتونا خلصونا بقا) طيّب أنا شوووو؟؟؟
يعني إذا الجميع ناقص أنا = الجميع، أنا بصير الـ"ما حدا". طيّب، عال...
وشو غير هيك؟ إذا قلتوا إنّو "ما في حدا ما بدّو الحقيقة" يعني عمبتحكوا عنّي. تمام.
وشو كمان؟
آه اي، بما انّو انا الـ"ما حدا" هيدا كمان بيعني إنّو أنا منّي وطنية وبدّي إنّو يضيع دم الشهيد الكبير... اي، لأنّو الذين استشهدوا برصاص قوى "الأمن" أكيد منّن "كبار". كبار بشو؟؟؟ أكيد مش بالملايين (من الدولارات). اوكي...
وأكتر شي حبّيت بالرسالة؟ لازم "نعاهده على إنجاز الهدف الذي كان يتطلع اليه". ممكن حدا يفسّرلي شو كان "هدف" الحريري؟ يعني كان عندو هدف كمان؟ والله ما بعرف عن جدّ. إنّو، اذا بدنا نحكي عن أهداف لازم نشوف الأفعال. بس شو بدنا بهالشغلة، شهيدنا "كبير" كرمال هيك ما في الزوم نعمل بحث طويل عريض حول الموضوع. يعني الحقيقة أهم. حقيقة شو؟ آه، أكيد مش حقيقة "شو صار بالملايين" او او او... خلص الحقيقة وبس... وأكيد ما تنسوا نحنا منحب الحياة.واوعا تنسوا الألوان هااا ... وبدنا نعيش. اي أكيد بكرامة... على الطرقات...
طيّب اسألوا الذي تشرّدوا من وراء "أهداف" الحريري. بقولوا.... "نحن فِدا الحريري" و"بالروح بالدم نفديك يا حريري" بس أحسن شي؟ "يا سعد يا عينينا سلّحنا والباقي علينا"... شو هالـ"بلد" ولو... يعني عن جدّ شبيه بالـ"ديزنيلاند..."
ويااااااااااااا ايها اليساريون والشيوعيون بعدكن عمبتحكوني عن "ثورة"؟؟؟؟ ولك انتو خرجكن تشتغلوا "عدّاد" للمظاهرات، تكتبوا تقارير - كم واحد نزل عهالمظاهرة أو هيداك...
لك يا عمّي فيقوااااااااااااااااا وخلصونا من هالقصة، كلياتكن زبالة عن جد زبالة. وعسيرة الزبالة، الذي بيشتغل بالـ"سوكلين" أشرف منكن انتوا و"حقيقتكن". هيدا إذا كنتوا مفكرين انّوا انتوا "غير" ناس عن الذين بيشتغلوا بالـ"سوكلين".. اي اي، اسمعوا منّي، ما تشغّلوا بالكن كتير. ما بتحرز. روحوا عند شيخكن سعد وبيككن وليد وحكيمكن عمّو سمير وجنرالكن عون وسيدكن نصر الله هنّي بفكّروا محلكن وانتو شووووووووو بتعملوا؟ تتبعوهن متل الغنم. اي، انتو أشرف غنم.
مودّتي،
الـ"ما حدا"
Labels: hariri, in arabic, lebanon
posted by Angry Anarchist @ 2/15/2007 09:40:00 PM,
,
